മോഷ്ടിച്ച ബൈക്കിൽ മോഷണം നടത്തിയ ഗ്യാസ് സിലിണ്ടറുമായി വരുന്ന വഴി യുവാവ് പിടിയിൽ.

എറണാകുളം കുന്നത്തുനാട് പട്ടിമറ്റം പുന്നോർകോട് ഭാഗത്ത് വാടകക്ക് താമസിക്കുന്ന ആലപ്പുഴ പള്ളിക്കൽ കട്ടാച്ചിറ മുറ്റത്തേത് കിഴക്കേതിൽ വീട്ടിൽ ഷിബു വർഗീസ് (38) നെയാണ് തടിയിട്ടപറമ്പ് പോലീസ് അറസ്റ്റ് ചെയ്തത്.

പഴങ്ങനാട് കപ്പേളപ്പടി ഭാഗത്ത് ഒരു കടയുടെ മുൻവശം വരാന്തയിൽ നിന്നും മോഷ്ടിച്ചതാണ് ഗ്യാസ് സിലിണ്ടർ. സ്കൂട്ടർ വൈറ്റില ഹബ്ബിൽ നിന്നാണ് മോഷ്ടിച്ചത്.

ജൂലൈ 18 ന് റോഡിലൂടെ നടന്ന് പോകുകയായിരുന്ന വയോധികയുടെ മാല മോട്ടോർ സൈക്കിളിലെത്തി പൊട്ടിച്ചെടുത്ത കേസിലെ പ്രതിയെ അന്വേഷിക്കുന്നതിനിടയിലാണ് ഇയാൾ പിടിയിലായത്.

നമ്പർ പ്ലേറ്റ് മാറ്റിയാണ് ഇയാൾ വാഹനം ഉപയോഗിച്ചു കൊണ്ടിരുന്നത്.