2000 ഏക്കറില്‍ അന്താരാഷ്ട്ര വിമാനത്താവളം; പ്രഖ്യാപനവുമായി സ്റ്റാലിന്‍
പ്രതിവർഷം 3 കോടി യാത്രക്കാർക്ക് സഞ്ചരിക്കാൻ സാധിക്കുന്ന 2,000 ഏക്കറിൽ ഹൊസൂരിൽ പുതിയ അന്താരാഷ്ട്ര വിമാനത്താവളം നിർമ്മിക്കാനുള്ള പദ്ധതി തമിഴ്‌നാട് മുഖ്യമന്ത്രി എംകെ സ്റ്റാലിൻ പ്രഖ്യാപിച്ചു.
പ്രതിവർഷം 30 ദശലക്ഷം യാത്രക്കാരെ കൈകാര്യം ചെയ്യാൻ ശേഷിയുള്ള നിർദ്ദിഷ്ട വിമാനത്താവളം 2,000 ഏക്കറിൽ വ്യാപിക്കുമെന്ന് എംകെ സ്റ്റാലിൻ നിയമസഭയെ അറിയിച്ചു. ഹൊസൂരിലും പരിസരത്തും നിരവധി ഉൽപ്പാദന, വ്യാവസായിക യൂണിറ്റുകൾ സ്ഥിതി ചെയ്യുന്നതിനാൽ നിക്ഷേപങ്ങൾക്കും തൊഴിലവസരങ്ങൾക്കും ഉത്തേജനം നൽകാനാണ് തീരുമാനം.
