വാഹന പരിശോധനയ്ക്കിടെ മയക്കുമരുന്ന് പിടികൂടി; ഒരാള്‍ കസ്റ്റഡിയില്‍.
വയനാട് മുത്തങ്ങയിൽ വാഹന പരിശോധനയ്ക്കിടെ മെത്താഫെറ്റമിൻ പിടികൂടി.
1.5 ഗ്രാം മെത്താഫെറ്റമിനുമായി വടകര സ്വദേശി മുഹമ്മദ് സിജാദാണ് പിടിയിലായത്.
മൈസൂരുവിൽ നിന്ന് കോഴിക്കോട്ടേക്ക് പോകുന്ന കർണാടക ആർ ടി സി ബസ്സിലായിരുന്നു പ്രതി ഉണ്ടായിരുന്നത്.
സംശയം തോന്നി പരിശോധിച്ചപ്പോഴാണ് മെത്താഫെറ്റമിൻ കിട്ടിയത്.
പ്രതിയെ അറസ്റ്റിന് ശേഷം തുടർ നടപടിക്കായി സുൽത്താൻ ബത്തേരി എക്സൈസ് റേഞ്ച് ഓഫീസർക്ക് കൈമാറി.
